Fövqəladə Hallar Nazirliyinin (FHN) "112" qaynar telefon xəttinə Xızı rayonu, Sitalçay kəndi ərazisində "Niva" markalı minik avtomobilinin Taxtakörpü-Ceyranbatan su kanalına düşməsi barədə məlumat daxil olub.

AZƏRTAC nazirliyin saytına istinadla xəbər verir ki, hadisə yerinə FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin və Xüsusi Riskli Xilasetmə Xidmətinin dalğıc-axtarış qrupları cəlb olunub. Görülən tədbirlər nəticəsində minik avtomobili sudan çıxarılıb. Batması ehtimal olunan bir nəfərin axtarışları davam etdirilir.