Qasım Qasımov
YAP Qobustan rayon təşkilatının sədri

YAP Qobustan rayon təşkilatı tərəfindən "Şəhərsalma və Memarlıq ili" çərçivəsində "Rabitə" ( "Aztelecom" MMC Dağlıq Şirvan Regional Filialının Qobustan Şöbəsi) ərazi partiya təşkilatının sədri Bəhruz Aslanovun 55 illik yubileyi münasibətilə onunla ərazi partiya təşkilatında görüş keçirilmişdir.YAP Qobustan rayon təşkilatının sədri Qasım Qasımov səbəbkarla xeyli söhbət etmiş,sonra yubilyarı təbrik edərək ona möhkəm can sağlığı, uzun ömür, səadət dolu günlər arzulamışdır.
Bəhruz Aslanov haqqında onunla uzun illər birgə çalışmış Qobustan rayonu İcra Hakimiyyəti başçısının birinci müavini Məharət Əkbərov, hazırda onunla birgə işləyən partiya fəalları Rza Quliyev, Şəmsəddin Nuriyev və İlqar Bədəlov xoş xatirələrini söyləyərək, onu təbrik etmişlər.
Görüşün sonunda Bəhruz Aslanova 55 illik yubileyi münasibətilə və rayon təşkilatının ictimai-siyasi həyatında fəal iştirakına görə Fəxri Fərman və xatirə hədiyyəsi təqdim edilmişdir.
Sonda çıxış edən Bəhruz Aslanov göstərilən diqqət və qayğıya görə Prezident, Yeni Azərbaycan Partiyasının Sədri cənab İlham Əliyevə və çox hörmətli Mehriban xanım Əliyevaya təşəkkürünü bildirmiş, Ulu Öndər Heydər Əliyevin rəhbərliyi ilə təsis edilmiş Yeni Azərbaycan Partiyası sıralarında olmaqdan və ərazi partiya təşkilatının sədri kimi fəaliyyətindən qürur duyduğunu söyləmişdir.