YAP Qobustan rayon təşkilatında partiya veteranı Əlisəfa Cəbiyevin 70 illik yubileyi qeyd olunub

Xəbərlər

14.04.2025, 20:33

YAP Qobustan rayon təşkilatında partiya veteranı Əlisəfa Cəbiyevin 70 illik yubileyi qeyd olunub - FOTO

Aprelin 14-də Yeni Azərbaycan Partiyasının veteran üzvlərindən, YAP Qobustan rayon təşkilatının yaradıcılarından biri, rayon təşkilatının sədri, Qobustan rayon İcra hakimiyyətinin başçısı olmuş Əlisəfa Cəbiyevin 70 illik yubileyi münasibətilə görüş keçirildi.

Turaztv.az xəbər verir Görüşü giriş sözü ilə açan YAP Qobustan rayon təşkilatının sədri Qasım Qasımov Əlisəfa Cəbiyev haqqında məlumat verdikdən sonra onun Yeni Azərbaycan Partiyası sıralarında uğurla təmsil olunduğunu,həmçinin işinə məsuliyyətli, təvazökar və ciddi insan olduğunu qeyd etmişdir. Rayon təşkilatının sədri daha sonra yubilyarı təbrik edərək, ona möhkəm can sağlığı, uzun ömür, səadət dolu günlər arzulamışdır.

Görüşdə iştirak edən YAP veteranlarından Allahyar Atakişiyev, Tofiq Baloğlanov və Bəhruz Aslanov çıxış edərək yubilyarı təbrik etmiş, ona öz xoş arzularını çatdırmışlar.

Görüşün sonunda çıxış edən partiya veteranı Əlisəfa Cəbiyev göstərilən diqqət və qayğıya görə təşəkkürünü bildirmiş, Ulu Öndər Heydər Əliyevin rəhbərliyi ilə təsis edilmiş Yeni Azərbaycan Partiyası sıralarında olmaqdan qürur duyduğunu söyləmişdir.

Sonda partiya veteranı Əlisəfa Cəbiyevə rayon təşkilatının ictimai-siyasi həyatında fəal iştirakına və 70 illik yubileyi münasibətilə Fəxri Fərman və xatirə hədiyyəsi ilə təqdim edilmişdir.