Xəbərlər
17.03.2025, 20:45
YAP Qobustan rayon təşkilatı tərəfindən partiya veteranı Zabit Mecidovun 85 illik yubileyi qeyd olunmuşdur - FOTO
YAP Qobustan rayon təşkilatı tərəfindən partiya veteranı Zabit Mecidovun 85 illik yubileyi qeyd olunmuşdur.
17 mart 2025-ci il tarixində Yeni Azərbaycan Partiyası Qobustan rayon təşkilatı tərəfindən partiyanın veteran üzvlərindən olan Zabit Mecidovun 85 illik yubileyi münasibətilə görüş keçirildi.Görüşü giriş sözü ilə açan YAP Qobustan rayon təşkilatının sədri Qasım Qasımov Zabit Mecidov haqqında məlumat verdikdən sonra onun artıq 30 ildir ki, Yeni Azərbaycan Partiyası sıralarında uğurla təmsil olunduğunu, YAP Qobustan rayon təşkilatının formalaşmasında fəal iştirak etməsini bildirdi. Onun uzun illər ali təhsilli mütəxəssis, baytar-həkim kimi çalışdığı qeyd olunmuşdur.Həmçinin onun işinə məsuliyyətli, təvazökar və ciddi insan olduğu qeyd olunmuşdur. Rayon təşkilatının sədri daha sonra yubilyarı təbrik edərək, ona möhkəm can sağlığı, uzun ömür, səadət dolu günlər arzulamışdır.
Görüşdə yubilyarın uzun illər çalışdığı Baytarlıq Xidmətinin direktoru, ,, Baytarlıq" ərazi partiya təşkilatının sədri Emil Zinharov, uzun illər onunla çiyin-çiyinə çalışan Azər Müstəcəbov ,Vidadi Zərbaliyev, uzun illər yubilyarla dostluq etmiş Sahabxan Məcidov və YAP rayon təşkilatının əməkdaşları çıxış edərək yubilyarı təbrik etmiş, ona öz xoş arzularını çatdırmışlar.
Görüşün sonunda çıxış edən partiya veteranı Zabit Mecidov göstərilən diqqət və qayğıya görə təşəkkürünü bildirmiş, Ulu Öndər Heydər Əliyevin rəhbərliyi ilə təsis edilmiş Yeni Azərbaycan Partiyası sıralarında olmaqdan qürur duyduğunu söyləmişdir.
Sonda partiya veteranı Zabit Mecidova rayon təşkilatının ictimai-siyasi həyatında fəal iştirakına və 85 illik yubileyi münasibətilə Fəxri Fərman və xatirə hədiyyəsi ilə təqdim edilmişdir.
Turaztv.az
Son xəbərlər
Ən çox oxunanlar
- Bu gün
- Bu həftə
- Bu ay
