Qasım Qasımov,
YAP Qobustan rayon təşkilatının sədri



Görüşdə Qobustan rayon İcra Hakimiyyəti başçısının Xilmilli kənd inzibati ərazi dairəsi üzrə nümayəndəsi Anar Bayramov, yubilyarın yaxın qohumları və dostları iştirak etmişlər.YAP Qobustan rayon təşkilatının sədri Qasım Qasımov Ağamirzə Dəmirov haqqında məlumat verdikdən sonra qeyd etmişdir ki, Ağamirzə Dəmirov YAP Qobustan rayon təşkilatının formalaşmasında fəal iştirak etmişdir.
Yubilyar uzun illər 1973-cü ildən 2020-ci ilədək Xilmilli kənd həkim məntəqəsində feldşer kimi çalışmış və əhalinin sağlamlığına ləyaqətlə xidmət etmişdir.Rayon təşkilatının sədri daha sonra yubilyarı təbrik edərək, ona möhkəm can sağlığı, uzun ömür, səadət dolu günlər arzulamışdır.
Sonra Yubilyarın haqqında onunla həmyaşıd olan dostları,təqaüdçü müəllimlər Səlahəddin Mürsəlov,Elxan Həsənov və həkim Ramiz Hümbətov çıxış edərək yubilyarla bağlı xoş xatirələrini bölüşmüşlər.
Görüşün sonunda çıxış edən partiya veteranı Ağamirzə Dəmirov göstərilən diqqət və qayğıya görə Prezident, Yeni Azərbaycan Partiyasının Sədri cənab İlham Əliyevə və çox hörmətli Mehriban xanım Əliyevaya təşəkkürünü bildirmiş, Ulu Öndər Heydər Əliyevin rəhbərliyi ilə təsis edilmiş Yeni Azərbaycan Partiyası sıralarında olmaqdan qürur duyduğunu söyləmişdir.
Sonda partiya veteranı Ağamirzə Dəmirova rayon təşkilatının ictimai-siyasi həyatında fəal iştirakına və 75 illik yubileyi münasibətilə Fəxri Fərman və xatirə hədiyyəsi təqdim edilmişdir.