Xəbərlər
6.07.2025, 14:28
Partiya veteranı Balamərdan Nuriyevin 70 illik yubileyi qeyd olunmuşdur - FOTOLAR
Yeni Azərbaycan Partiyası Qobustan rayon təşkilatı tərəfindən partiyanın veteran üzvlərindən olan Balamərdan Nuriyevin 70 illik yubileyi münasibətilə onunla evində görüş keçirilmişdir.
Turaztv.az xəbər verir Görüşdə YAP Qobustan rayon təşkilatının əməkdaşları və yubilyarın uzun illər çalışdığı Qaz İstismar İdarəsi Qobustan Xidmət Sahəsinin rəhbərliyi iştirak etmişdir.YAP Qobustan rayon təşkilatının sədri Qasım Qasımov Balamərdan Nuriyev haqqında məlumat verdikdən sonra onun artıq 30 ildir ki, Yeni Azərbaycan Partiyası sıralarında uğurla təmsil olunduğunu, YAP Qobustan rayon təşkilatının formalaşmasında fəal iştirak etdiyini bildirmişdir.Onunla uzun illər çiyin-çiyinə çalışan Qaz İstismar İdarəsi Qobustan Xidmət sahəsinin rəis müavini Kamran Babaşov onun işinə məsuliyyətli, təvazökar və ciddi insan olduğunu qeyd etmişdir. Rayon təşkilatının sədri daha sonra yubilyarı təbrik edərək, ona möhkəm can sağlığı, uzun ömür, səadət dolu günlər arzulamışdır.
Görüşün sonunda çıxış edən partiya veteranı Balamərdan Nuriyev göstərilən diqqət və qayğıya görə Prezident, Yeni Azərbaycan Partiyasının Sədri cənab İlham Əliyevə və çox hörmətli Mehriban xanım Əliyevaya təşəkkürünü bildirmiş, Ulu Öndər Heydər Əliyevin rəhbərliyi ilə təsis edilmiş Yeni Azərbaycan Partiyası sıralarında olmaqdan qürur duyduğunu söyləmişdir.
Sonda partiya veteranı Balamərdan Nuriyevə rayon təşkilatının ictimai-siyasi həyatında fəal iştirakına və 70 illik yubileyi münasibətilə Fəxri Fərman və xatirə hədiyyəsi təqdim edilmişdir.
Son xəbərlər
Ən çox oxunanlar
- Bu gün
- Bu həftə
- Bu ay
