Xəbərlər
24.09.2026, 11:16
Hicran Fuad Əhmədli : BAĞIŞLA AĞAC - FOTO
Şeirim üçün kəsilən ağac,
Günahkaram qarşında...
Öz ömrünü qurban verdin
Doğradılar tikə-tikə...
Parça-parça, böyük, yekə.
Edamına ruhum şahid
Bilirəm...Bilirəm əlim batıb
Tökülən hər qanına...
Batıb demək özü bəsit!
Mən qələmə tabe oldum,
Sən...Sən baltaya tabe oldun!
Mən doğuldum hər yazdıqca,
Sən boğuldun mən yazdıqca...
De, de neyləyim, günahımı dəbbələyim?
Yoxsa...Ruhumu dağa vurum
...Daşa vurum
...Dağların sinəsinə çiləyim?
Gecə-gündüz düşünürəm,
Necə yanım mən halına.
Çarə tapım edamına
Qələmimlə vuruşuram
Şeirimdən soruşuram
Cavab versin...Cavab versin onlar sənə...
Dilim deyir, mənə tənə.
Üz tuturam mən baltaya:
Ağaclara gücün çatır?
Gözlərinin önündə neçə-neçə naqis yatır
Göz süzdürüb, acı dolu gülüş atır...
İstəyirəm qaçam, gedəm
Ruhumu şeirimdə didəm.
Çıxış yolu bircə qalıb
Tanrı məni göylərində itirib, salıb
Tapacaq...Tapacaq bir gün məni
Edamından edəcəm azad səni.
Bağışlaya bilsən
Günahımdan keçsən
Bağışla...Bağışla...
Bağışla ağac!
Son xəbərlər
Ən çox oxunanlar
- Bu gün
- Bu həftə
- Bu ay
