Xəbərlər
10.07.2025, 14:37
Partiya veteranı Sədrəddin Mansurovun 75 illik yubileyi qeyd olunmuşdur - FOTOLAR
YAP Qobustan rayon təşkilatının sədri
Yeni Azərbaycan Partiyası Qobustan rayon təşkilatı tərəfindən partiyanın veteran üzvlərindən olan Sədrəddin Mansurovun 75 illik yubileyi münasibətilə onunla evində görüş keçirilmişdir. Görüşdə YAP Qobustan rayon təşkilatının əməkdaşları və yubilyarın qardaşı Nərbala kişi,qardaşı oğlu Nəsib Mansurov və əmisi oğlu Rəhim kişi iştirak etmişlər.YAP Qobustan rayon təşkilatının sədri Qasım Qasımov Sədrəddin Mansurov haqqında məlumat verdikdən sonra onun artıq 30 ildir ki, Yeni Azərbaycan Partiyası sıralarında uğurla təmsil olunduğunu, YAP Qobustan rayon təşkilatının formalaşmasında fəal iştirak etdiyini bildirmişdir.Rayon təşkilatının sədri daha sonra yubilyarı təbrik edərək, ona möhkəm can sağlığı, uzun ömür, səadət dolu günlər arzulamışdır.
Görüşün sonunda çıxış edən partiya veteranı Sədrəddin Mansurov göstərilən diqqət və qayğıya görə Prezident, Yeni Azərbaycan Partiyasının Sədri cənab İlham Əliyevə və çox hörmətli Mehriban xanım Əliyevaya təşəkkürünü bildirmiş, Ulu Öndər Heydər Əliyevin rəhbərliyi ilə təsis edilmiş Yeni Azərbaycan Partiyası sıralarında olmaqdan qürur duyduğunu söyləmişdir.
Sonda partiya veteranı Sədrəddin Mansurova rayon təşkilatının ictimai-siyasi həyatında fəal iştirakına və 75 illik yubileyi münasibətilə Fəxri Fərman və xatirə hədiyyəsi təqdim edilmişdir.
Son xəbərlər
Ən çox oxunanlar
- Bu gün
- Bu həftə
- Bu ay
