Xəbərlər
26.05.2026, 14:03
BELA ZƏNGİBASARLI : ŞƏFALI ƏLLƏRİNİZ VAR OLSUN, QURBAN HƏKİM! - FOTO
(Yüz minlərlə insanın gözünə nur, işıq verən, ən çətin əməliyyatların öhdəsindən zərgər dəqiqliyilə gələn, adı dillər əzbəri olan oftalmoloq həkim Qurban İsmayılova)
Söz açım igiddən, söz açım ərdən,
Sənət meydanında kükrəyən nərdən.
Göyçə mahalından, cənnət ,,Zərkənddən,"
Düşmüsən elindən uzaq,ay həkim
Şəninə dastanlar yazaq,ay həkim.
Olsa da ürəkdə dərd qalaq-qalaq,
Düşmənin qəlbinə vahimə salaq.
Torpağı yağının əlindən alaq,
Düşmana bir məzar qazaq, ay həkim,
Şəninə dastanlar yazaq, ay həkim.
Xoş keçsin hər ayın, xoş keçsin ilin,
Vəfalı dostlara bağlansın belin.
Hiyləgər xainin fitnəsin, felin,
Çözüb bircə anda pozaq, ay həkim,
Şəninə dastanlar yazaq, ay həkim!
Görmüsən dünyanın azın- çoxunu,
Tanıdın insanın acın-toxunu.
Ay Qurban, gördüyün hər bir yuxunu,
Düşünüb rəmmaltək yozaq, ay həkim,
Şəninə dastanlar yazaq ay həkim.
İşıqsan, xəstənin torlu gözünə,
Dürüstlük hopubdur hər bir sözünə.
Belayam deyirəm,nurlu üzünə,
Vurmasın nə şaxta, sazaq, ay həkim,
Şəninə dastanlar yazaq, ay həkim!
17.04.2026.
Son xəbərlər
Ən çox oxunanlar
- Bu gün
- Bu həftə
- Bu ay
