İstedadlı müəllim, gözəl insan, bacarıqlı təşkilatçı, mənim ən çox hörmət etdiyim məktəb illərimin çiyindaşı mərhum MİRDAMƏD MİRSADIQ OĞLU SADIQOV haqqında söz demək nə qədər çətin olsa da, bunu özümə borc bilirəm.
MİRDAMƏD MÜƏLLİMİ mən 1960- cı ildən tanıyıram. Lahıc qəsəbə tam orta məktəbində bir sinifdə təhsil almışıq. Orta təhsili bir bitirmişik. Həyat bizi müxtəlif sahələrə aparıb... Amma həmişə bir- birimizlə əlaqəmiz olub.
MİRDAMƏD MÜƏLLİMİN bütün uğurları zəhmətsevərliyi ilə bağlı idi. N. Nərimanov sözləri ilə desək, " İnsan ruhunu ucaldan bir çox şey varsa, onun birincisi zəhmətdir." MİRDAMƏD müəllimin həyat yolu zəhmətkeş bir alimin, fədakar bir müəllimin və dövlət adamının ömür səlnaməsi idi.
Ürəyi Azərbaycan dövlətinin tərəqqisiylə döyünən Mirdaməd müəllim öz işi ilə həmişə bütün sahələrdə fərqlənib, sayılıb, seçilib. Azərbaycan ziyalısına xas olan bütün cəhətlər MİRDAMƏD MÜƏLLİMİ DƏ olduqca qabarıq hiss olunurdu. MİRDAMƏD müəllim hələ uşaqlıqda hamının diqqətini cəlb edirdi. Sözübütövlük, keçmişinə hörmət onu aparıcı ziyalılar cərgəsinə yüksəltmişdir.
MİRDAMƏD müəllim əsl ziyalılıq nümunəsi idi. Onun baxışlarında həmişə müsahibini dinləmək ifadəsi hakim olardı. Onun davranışı da, hərəkətləri də ölçülü- biçili olardı... Onun həyat yolu bir neçə kitab mövzusudur. Uğurları kitablara sığmayandır. Məqsədim bunlar haqqında yazmaq deyil...
Unudulmaz şagird yoldaşımız, gözəl dostumuz və sevimli qardaşımız MİRDAMƏD MİRSADIQ OĞLU SADIQOV bir ildir ki, dünyasını dəyişib.
Dostumuza və qardaşımıza Allahdan rəhmət diləyirik, ruhu şad, məkanı cənnət olsun!
Hər bir insanın dünyadan köçməsi təbii sonluq olsa da, insan itkisi həmişə əzizləri, yaxınları və dostları üçün ağır olur. Mirdaməd müəllimin də həyatdan köçməsi şagird yoldaşları, dostları və onu sevənlər üçün çox ağır qəm və kədərdir. Onun şərəfli həyat yaşaması əzizlərinin və onu yaxından tanıyanların xatirəsində silinməz izlər buraxıb. Onun xatirəsi həmişə qəlbimizdə yaşayacaq. Onun razılığı simasında yaranan təbəssümdə, gözlərində artan işıqda əks olunardı. Çox- çox sonralar rayonda İcra başçısı çalışdığı vaxtlar həmişə nə qulluğunuz ,- deyə soruşardı. İstər oxuduğumuz vaxtlar, istərsə də rayonda çalışdığı zaman həmişə ondan çəkinərdim. O, isə hər dəfə məni görəndə istəklə dolu narahatlıqla: " Hə, nə edim sənin üçün?"- soruşardı.
Bilirdim ki, məni çox istəyir, mənə hörmətlə yanaşır, buna baxmayaraq heç vaxt yanında sərbəst olmazdım. Salığınız mənə hər şeydir,- deyərdim və çıxıb getmək, onu sərbəst qoymaq istəyirdim. Bütün bunlar onun böyüklüyünün yaratdığı təbii görüntü idi...
Hərdən fikirləşirəm ki, MİRDAMƏD müəllimə görə, haqqım olan çox şeydən çəkinmişəm...başqaları isə...
Mirdaməd müəllim həmişə sayılıb- seçilən alim idi, İCRA başçısı çalışdığı müddətdə də böyük nüfuz qazandı. Rayonun inkişafına, onun daha da gözəlləşməsinə böyük əmək sərf etdi. Hamı onu prinsipial, öz sözünü deyə bilən, qürurlu, əyilməz, iradəli bir ziyalı kimi tanıyırdı.
Mirdaməd müəllimin son dərəcə nəzakətli davranışı, şirin söhbətləri gözlərim önündə, şən qəhqəhəsi qulaqlarımdadır. Gözəl məclis adamı idi...İşıqlı simalı idi...
Amansız ölüm əzizimiz, dostumuz, qardaşımız MİRDAMƏD MİRSADIQ OĞLU SADIQOVU aramızdan apardı. Heç kəs dünyanı tutub qalmır. Nə yaxşı ki, insan dünyadan köçəndə onun əməlləri, xatirəsi yaşayır...
Yazının sonunda ailəsinə, bütün əzizlərinə, MİRDAMƏD sevənlərə dərin hüznlə baş salığı verir və əziz dostuma və qardaşıma UCA ALLAHDAN rəhmət diləyirəm!
Allah rəhmət eləsin!!!