Xəbərlər
30.07.2026, 14:45
Sevinc Yunuslu : Qoruyuram adını mömin kimi.. - FOTO
Hər an məndə təzələnir min kimi..
Son görüşə gecikirdin, həsrətin,
Üz- gözümdən tökülürdü cin kimi..
Budur günəş, sübh ağarıb, dan qürub,
Həyat bizlə dönüb gizlənpaç qurub.
Nə olsun ki, sinəm üstə xaç durub
Mən eşqini daşıyırdım din kimi..
Sən qapıdan bu sevgini qovanda
Xaqani də şahid idi Şirvanda.
Səndən gələn məktubları divanda
Ayaq üstə oxuyurdum himn kimi..
Bir baxdınmı bu eşq mənə neylədi?
Göydə qarı , yerdə yeli əylədi.
Abbaszadə Məleykə rəhm eylədi,
Sən sınaqdan keçirmədin DİM kimi.
Vurduğum hər qoxularda olurdun,
“Kaşki”-lərdə “ ya hu”-larda olurdun,
Sən yanımda yuxularda olurdun
Mənsə hər gün yaşayırdım çin kimi..
Bir halda ki, hər öpüşün ölümsə,
Dodaqlarım dodağında gülümsə.
Rumi demiş, nə zaman ki , gəlirsən-
Bu könlümü evin bil, evin kimi..
Bir gecəlik eşqimizin yaddaşı
Hər an məndə təzələnir min kimi.
Nə olsun ki, qatilisən hər şeyin
Qoruyuram adını mömin kimi..
Son xəbərlər
Ən çox oxunanlar
- Bu gün
- Bu həftə
- Bu ay
