Xəbərlər
14.11.2021, 20:40
Şah dağım
Pəmbə bulud başındakı papağı,
Ağappaq qar bir nurani saqqalı,
Boz cüt qaya sərt üzündə yanağı,
Dik duruşu vüqarıdı dağların.
Yaz gəlincə çiçək açar,gül açar,
Yaşıl yamac məxmər kimi dolanar,
Qartalları keşiyində dayanar,
Ta əbədi əsgəri tək dağların!
Sal qayada agac bitib,nə sirdi?
Daşlarında kökün atıb, dərindi?
Bilmirsən ki, nə hansına çətirdi?
İşləri lap möcüzədi dağların!
Yolçu qardaş, bir yolunu sal bəri,
Uzaq getmə,bu qayanı dön bəri,
Görürsənmi cüt uzanan səngəri?
Qoşa çaydı,hörüyüdü dağların!
Mən əzəldən bu dağlara vuruldum!
Uşaq idim,dik təpədən baxırdım,
Gözlərimlə orda kəl axtarırdım,
Dağ kəli tək, dik duruşlu Şah dağım!
Cümşüd Aydəmirov,
Quba,Digah. may 2018
Son xəbərlər
Ən çox oxunanlar
- Bu gün
- Bu həftə
- Bu ay
