ARIF MUSA: Yoxluğuma ağlama-(Vəsiyyət)

Baxış Sayı:1 147

ARIF MUSA: Yoxluğuma ağlama-(Vəsiyyət)

“Söz” qəzetinin Baş redaktoru, “Söz işığında”, Respublika Ədəbi Birliyinin sədri, SSRİ Jurnalistlər İttifaqının və Azərbaycan Jurnalistlər Birliyinin üzvü, şair-publisist, bir neçə kitabın rəyçisi, onlarla kitabın redaktoru və ön söz müəllifi, “Qızıl Qələm”, “Peşəkar jurnalist”, “İti Qələm” və “Nəsir İmanquliyev adına” media mükafatları laureatı.

Yoxluğuma ağlama -(Vəsiyyət)

Xəzan olan arzum qalır dünyada,
Qəlbimdəki sözüm qalır dünyada,
Oğlum qalır, qızım qalır dünyada,
Mən gedirəm, yoxluğuma ağlama.

Geci-tezi olasıdı ayrılıq,
Sonda bizə qalasıdı ayrılıq.
Xoşbəxtliyin bəlasıdı ayrılıq,
Mən gedirəm, yoxluğuma ağlama.

Xəyanətdə, cinayətdə əlim yox,
Düz adama son anadək ölüm yox.
Qəm-kədərsiz, çox heyif ki, günüm yox,
Mən gedirəm, yoxluğuma ağlama.

Çətin olur ata-ana itirmək,
Bu hisləri xəyalına gətirmək.
Sizə qalır sözlərimi götürmək,
Mən gedirəm, yoxluğuma ağlama.

Oxşar xəbərlər
SON XƏBƏRLƏR