Şahzadə Harri atası, qardaşı Uilyam və kral ailəsinin digər üzvləri ilə münasibətlərini düzəltmək istədiyini açıqlayıb.

"Turaztv.az" “Qafqazinfo”-ya istinadən xəbər verir ki, şahzadə bu haqda “GQ” jurnalına verdiyi müsahibədə bildirib.

“Bəzi insanlar münasibətlərin düzəlməsini istəmirlər. Amma mən istəyirəm. Hazırda dünyada baş verənləri nəzərə alsaq, ən vacib məsələ barışmaqdır”, - deyə o bildirib.

Sasseks hersoqu bağışlamağı bacarmağın və keçmişi geridə qoymağın vacibliyini vurğulayıb.

“Yaralar qalır, lakin əsas məsələ baş verənlərə necə baxmağınız və onlara necə yanaşmağı seçməyinizdir”, - deyə o əlavə edib.

Qeyd edək ki, M.Markl və şahzadə Harri avqustun sonunda Britaniyaya qayıdıblar. 2018-ci ildə ailə quran cütlük kral ailəsi ilə fikir ayrılıqlarından sonra ABŞ-yə köçüb və 6 il Kaliforniyada yaşayıb. Onların 7 yaşlı Arçi adlı oğlu və 5 yaşlı Lilibet adlı qızı var.