Xəbərlər
20.10.2026, 21:15
"İncə fikirlər" layihəsinin növbəti qonağı bədii qiraətçi Bəhiyyə xanım Nağıyevadır - FOTO
"İncə fikirlər" layihəsinin növbəti qonağı əzizimiz Qurban Abbasov adına Mədəniyyət Sarayının bədii rəhbəri,mədəniyyət xadimi,
peşəkar aparıcı və bədii qiraətçi Bəhiyyə xanım Nağıyevadır.
peşəkar aparıcı və bədii qiraətçi Bəhiyyə xanım Nağıyevadır.
Bəhiyyə xanım, səs sizi yaşadır, yoxsa siz səsi?
Deyə bilərəm ki, yeniyetmə illərimdə mən səsi yaşadırdım. Amma, indi səs məni yaşadır.
Şeir səsləndirməklə yanaşı şeir yazmağı bacarırsınız?
Şeri dəyərli qələm sahibləri - şairlərimiz yazırlar mən də səsləndirirəm. Yəni mən yazmıram,qiraət edirəm.
Öz şeirləriniz olsaydı onları da səslənmə edə bilərdiniz?
Təbii ki, özüm də şeir yazsaydım, öz şeirlərim olsaydı, onları da sevə-sevə səsləndirərdim.
Sizcə hər şeiri səsləndirmək mümkündür?
Peşəkar qiraətçi hər şeiri səsləndirə bilər. Zənnimcə, əsas şeir onun ruhuna yaxın olmalıdır.
Şeiri mükəmməl səsləndirmək üçün əsas şeirin ruhudur yoxsa öz ruhunuz?
Şeiri mükəmməl şəkildə səsləndirmək üçün əsas şeirin ruhudur. O şeirə qiraətçi öz ruhunu da qatanda dinləyiciyə daha da xoş olur.
Sizcə şeiri qiraət etməyə əhval - ruhiyyənin təsiri varmı?
Bəli, əhval - ruhiyyənin təsiri var.
Neçə vaxtdır səhnədəsiniz?
Orta məktəb illərindən - on beş,on altı yaşımdan, bəlkə bir az da tez başlamışam. Bu günə qədər də səhnədəyəm.
Qiraətçi olaraq bu sahədə qəbul etmədiyiniz yeniliklər var?
Bəzən şeir ifasına yersiz qatqı qatıb, pafosla çıxış edirlər. Bəzən də qiraətə səmimiyyətsiz yanaşırlar. Bəzən də elə bil şeirlə dalaşırlar. Təəssüf ki, belələrinə də rast gəlmək olur.
İlk dəfə bu istedadı sizdə kim kəşf edib?Qiraət sahəsində ilk dəfə istedadımı orta məktəbdə ədəbiyyat müəllimim kəşf eləyib. Yadımdadır, əlimdən tutub sinifbəsinif məni gəzdirər, şeir söylədərdi və üzünü uşaqlara tutub deyərdi;-"Şeiri belə söyləyərlər"
Yaradıcı xanım olaraq ruhunuza daha çox hansı mövzular yaxın olur?
Yaradıcı insan olaraq ruhuma əsas Vətənpərvər mövzuda olan şeirlər daha yaxındır.
Son xəbərlər
Ən çox oxunanlar
- Bu gün
- Bu həftə
- Bu ay
