Üç günlük komaya düşən bir amerikalı qadın mələk gördüyünü bildirib.

"Unikal" 45 yaşlı Vanya Valtriani ailə toplantısı zamanı xəstələnib. Xəstəxanada ona insult diaqnozu qoyulub və təcili əməliyyatdan sonra sağ qalma şansının son dərəcə az olduğu bildirilib.

Qadın üç günlük komaya düşüb. O bildirib ki, həmin zaman başqa aləmə daxil olub.

Tezliklə qadın həyata qayıdıb, amma gözlərini açanda bir mələk görüb.

"O, hündürboylu, qəhvəyi saçlı və heyrətamiz qəhvəyi gözlü idi", - deyə qadın bildirib.

Mələk xəstəyə hər şeyin yaxşı olacağını deyib və yox olub. Üstəlik, qadın ana dili olan portuqal dilini xatırlaya bilməyib. O, başqaları ilə yalnız ingilis dilində ünsiyyət qurub və unutduğu şeyləri xatırlayıb.

Valtrianinin sözlərinə görə, bu qarşılaşma onun həyatını və xarakterini dəyişdirib.