Xəbərlər
16.07.2026, 01:19
Sevinc YUNUSLU : Sən mənim görüşümə beləcə gəl, ləngimə - FOTO
Payız filan yox idi köhnə yolayrıcında.
Həminki kimi idin, gülümsər, şən, xoşqılıq,
Beş-altı ağ tük gördüm şəvə kimi saçında.
Amma dəyişməmişdin, dəyişmərik axı, biz.
Duyulurdu həyatın şirinliyi səsində.
Yaxşı ki,solmamışdı bizim məhəbbətimiz,
Bir bahar çiçəyitək ömrün səhifəsində.
Bu dünya başlayandan ey mənim dan ulduzum,
Sən mənim ömrümdəki ən ilk sətirdə idin.
Başımı dayamışdım sinənə uzun-uzun,
Həmin qorxuda idin, həmin ətirdə idin.
Ürəyim səni bu gün elə istəyirdi ki,
Nə yaxşı gəldin belə mənim bircə zəngimə.
Bizim bu görüşümüz bir ömrə dəyərdi ki..
Sən mənim görüşümə beləcə gəl, ləngimə.
Son xəbərlər
Ən çox oxunanlar
- Bu gün
- Bu həftə
- Bu ay
