Azərbaycanın dilbər guşələrindən biri olan Lerikdə dünyaya göz açan Arzu xanıma, Allah fərqli bir istedad bəxş etmişdir. O, gözəl şair olmaqla yanaşı, həmdə məlahətli, ecazkar səsə malikdir. Mən dəyərli şairimizlə fasebookda tanış oldum. Onun mənalı, məntiqli, təsirli şeirləri diqqətimi cəlb etdi. Bununla yanaşı, Arzu xanımın həm də peşəkar bir qiraətçi olduğunun şahidi oldum. Onun qiraət etdiyi şeirləri dinləməkdən xüsusi zövq aldım. İlahinin Arzu xanıma bəxş etdiyi ecazkar səsin sanki sehirinə düşdüm. Onun səsi adi səs deyil... Bu səs adamı sanki maqnit kimi özünə çəkir və məftun edir... Arzu xanım qiraət etdiyi şeirlərə həyat verir, yaşadır, gözəlləşdirir. Hazırda çoxlu qiraətçilərimiz vardır.

Onların da əksəriyyəti qiraətin qaydalarına düzgün əməl edirlər. Elə qiraətçilərimiz də var ki, sanki onların ürəyi danışır, insanı təsirləndirir. Bu xüsusiyyətlər Arzu xanımda da vardır. Lakin fərqli cəhət ondan ibarətdir ki, Arzu xanımın səsi İlahidən bəxş edilmiş bir vergidir. Bu məlahətli səs adamı ovsunlayır, heyran edir. Məhz buna görə də, Arzu sevərlər ona "Arzu bal səs" deyirlər.
Mən bir şair, yazıçı kimi Arzu xanımın dəyərli sənətinə vuruldum. Ona can sağlığı, uzun ömür, yaradıcılığında yeni- yeni uğurlar diləyirəm.