Xəbərlər
10.05.2026, 02:22
QIZBƏS QƏBƏLƏ : VƏTƏN NƏDƏN ŞİRİNDİR - FOTO
Nədən belə şirindir?
Ona olan məhəbbət,
Niyə belə dərindir?
Niyə candan, ürəkdən
Əzizdir torpaq, Vətən?
Nədən Vətəndən ötrü,
Göz qırpmadan ölürsən?
Nədir səni bağlayan
Ona bu qədər axı,
Niyə insan canından,
Əziz tutur torpağı?
Nədir ona duyduğun,
Bu alovlu məhəbbət?
Hər dərdə dözür insan,
Vətən dərdi məşəqqət...
Niyə varlığın qədər
Bağlanırsan Vətənə?
Onsuz dünyanın malı,
Lazım deyil heç sənə?
Niyə ana deyirik
Bu torpağa, yurda biz?
Niyə belə qürurla,
Söyləyirik: "Ölkəmiz"?
Nədən axı bu torpaq
Qiymətlidir bu qədər?
Ondan ötrü hər insan,
Canını fəda edər?
Düşündükcə anladım:
Torpaq üstə neçə can,
Döyüşərək uğrunda,
Keçibsə öz canından.
Yoğrulubsa o torpaq
Şəhidlərin qanıyla,
Qoruyurlarsa onu,
Ürəyiylə, canıyla.
Demək ki, bax, o torpaq
Doğma, Anaya təndir.
Demək ki, bax o torpaq,
Həm Anadır, Vətəndir...
O Vətəndir, o candır,
O həm Azərbaycandır!
Bütün varlığım, canım,
Bu Vətənə qurbandır!
Son xəbərlər
Ən çox oxunanlar
- Bu gün
- Bu həftə
- Bu ay
