Turaztv.az təqdim edir: Torpaq, əgər uğrunda ölən varsa, Vətəndir!” Bu müqəddəs deyim, eləcə də bu torpaq, bu Vətən babalarmızın yadigarıdır bizlərə. Zaman-zaman igid oğullarımız öz qanları ilə təsdiqləyib bu sözləri. İstər yeraltı, istər yerüstü sərvətlərimiz, bol bərəkətli torpaqlarımız hər zaman düşmənlərimizin diqqət mərkəzində olub.
Lakin bu torpağın yetirdiyi igid oğul və qızları qanları hesabına olsa da Vətənimizi göz-bəbəyi kimi qoruyaraq bizlərə ötürmüşdür. O Vətən ki, hər qarışı bizim üçün sərvətdir. Hər qarışını doğma bildiyimiz torpağı qoruyan, uğrunda canından, qanından keçən igid oğul və qızlarımızı yad etmək isə hər bir azərbaycanlının, ürəyi Vətən sevdası ilə döyünən vətəndaşın müqəddəs borcu olmalıdır. Çünki şəhidlik zirvəsi ən uca və müqəddəs zirvədir. Bu zirvəni fəth edənləri tanıtmaq, gənc nəsillərə örnək göstərmək hər kəsin ən ümdə işi olmalıdır.
Redaksiyamız tərəfindən nəzərinizə çatdırmaq istəyirik ki, 11.07.2023-cü il tarixində Azərbaycan Respublikası Müharibə Veteranı Qadınlarının Sosial Yardım Ictimai Birliyinin sədri Rada Abbasla birgə 3 şəhidimizin anım gününü qeyd etdik. Birinci Vətən müharibəsinin şəhidləri Qənbərov Nazim Abış oğlu (Qarabala Ləqəbi ilə tanınan), Əliyev Yamən Əli oğlunun, Nəsirov Əlizadə Hüseyn oğlunun Şəhadətinin 30 ili tamam oldu.
Tədbirdə şəhid anaları, şəhid ataları, Qazilər, Əlillər, Mediya rəhbərləri iştirak etdilər. Onu da qeyd edək ki, tədbirdə həmçinin aznewstv - ANT- nin müxbiri Mənsur bəy, Bizimlider.com Informasiya Xəbər Portalının Baş redaktoru İradə Qaracallı, Bir Atəş saytının Redaktor müavini Şəhla xanım da iştirak etdilər. Tədbir yüksək səviyyədə keçirildi.
Davam etdiyi müddətdə musiqiyə də yer verildi. Kiçik Aynur xanım "Şuşa" şeiri dedi, Sevinc Şuşalı "Yaşa Azərbaycan" mahnısını oxudu, Aylin balamız "Şəhid anası" mahnısını seslendirdi, Vüqar Təmkin "Vətənpər" mahnısı söylədi.
Həmçinin "Biz bizə" Restoranında Əli Əzizoğlu Vətənpərvər mahnı səsləndirdi. Missiya Mediya qrupunun rəhbəri Ramin Əhmədovun dəstəyi ilə və Missiya Medya Qrupunun baş redaktoru Nicat Hüseyn Dağlara göstərdikləri yüksək səviyyədə dəstəyə görə redaksiyamız adından təşəkkürümüzü bildiririk.
Və son olaraq bildirmək istəyirik ki, Vətənimizin müstəqilliyi, ərazi bütövlüyü və suverenliyi uğrunda canlarını fəda etmiş şəhidlərimizin əziz xatirələrini yaşatmaq, ruhlarına dualar oxumaq hər azərbaycanlının vətəndaş borcudur.


Baş redaktor
Rübabə Vəliyeva