Xəbərlər
18.04.2026, 00:06
Xəlil Mirzə : Məni bədbinlikdə suçlandırmayın - FOTO
Məni bədbinlikdə suçlandırmayın,
Kövrək hisslərimi atan deyiləm.
Ürəksiz, şərəfsiz simalar kimi
Qayğını işrətə satan deyiləm.
Mən ana bətnindən belə gəlmişəm,
Sızıb, çeşmələnib selə gəlmişəm.
Içimdən gələnlə elə gəlmişəm,
Mayama haramlıq qatan deyiləm.
Nikbinlik sarsılmaz təməlimdədir,
Bəhrəsi sözdə yox, əməlimdədir.
Əzəl duyğularım təməlindədir,
Yalan duyğularla yatan deyiləm.
Mən ağı qaradan seçəndən bəri
Həqiqət olubdur dilim əzbəri.
Ifşa eləmişəm şərəfsizləri,
Haqqı nahaq ilə tutan deyiləm.
Sinəm qalxanımdır, qələm qılıncım,
Vətənin qoynudur rahat balıncım.
Qoy olum bu yolda mən xıncım-xıncım,
Yedəkdə sürünən kotan deyiləm.
Məni bədbinlikdə suçlayan varsa,
Qoy bilsin: ömrümü tüğyan aparsa,
Dəryaya bir damlam əgər yararsa,
Demək izim qalır, itən deyiləm.
Hər kiməm, nəçiyəm, buyam, buyam mən,
Şəffaf bulağam mən, axar suyam mən.
Xəlil Mirzəyəmsə, el oğluyam mən,
Elin qınağına batan deyiləm.
Kövrək hisslərimi atan deyiləm.
Ürəksiz, şərəfsiz simalar kimi
Qayğını işrətə satan deyiləm.
Mən ana bətnindən belə gəlmişəm,
Sızıb, çeşmələnib selə gəlmişəm.
Içimdən gələnlə elə gəlmişəm,
Mayama haramlıq qatan deyiləm.
Nikbinlik sarsılmaz təməlimdədir,
Bəhrəsi sözdə yox, əməlimdədir.
Əzəl duyğularım təməlindədir,
Yalan duyğularla yatan deyiləm.
Mən ağı qaradan seçəndən bəri
Həqiqət olubdur dilim əzbəri.
Ifşa eləmişəm şərəfsizləri,
Haqqı nahaq ilə tutan deyiləm.
Sinəm qalxanımdır, qələm qılıncım,
Vətənin qoynudur rahat balıncım.
Qoy olum bu yolda mən xıncım-xıncım,
Yedəkdə sürünən kotan deyiləm.
Məni bədbinlikdə suçlayan varsa,
Qoy bilsin: ömrümü tüğyan aparsa,
Dəryaya bir damlam əgər yararsa,
Demək izim qalır, itən deyiləm.
Hər kiməm, nəçiyəm, buyam, buyam mən,
Şəffaf bulağam mən, axar suyam mən.
Xəlil Mirzəyəmsə, el oğluyam mən,
Elin qınağına batan deyiləm.
Son xəbərlər
Ən çox oxunanlar
- Bu gün
- Bu həftə
- Bu ay
