“Real Madrid”in prezidenti Florentino Perez “Santyaqo Bernabeu” stadionunda Papa XIV Leonu qəbul edib.

“Qafqazinfo” xəbər verir ki, görüş Madridin yeparxiya icmasının stadionda təşkil olunan kütləvi toplantısı çərçivəsində baş tutub.

Görüş zamanı “Kral klubu”nun rəhbəri Florentino Perez dini liderə üzərində onun dünyəvi adı (Robert F. Prevost) və 1 nömrəsi yazılmış “Real Madrid”in xüsusi dizaynlı rəsmi formasını, həmçinin yenilənmiş “Santyaqo Bernabeu” stadionunun gümüşü replikasını (maketini) hədiyyə edib.

Öz növbəsində Papa XIV Leon da klub prezidentinə xüsusi xatirə medalı təqdim edib və komandaya gələcək oyunlarında uğurlar arzulayıb.