Xəbərlər
29.03.2026, 00:39
Ürəyimin oğrusu : Məlahət Behbudqızı✍️ - FOTO
Qoyma həsrət qoxuyan misralarda oxunum.
Qoy bir də şeir ilə ürəyinə toxunum...
Bu qədər bağlanacam? İnanmazdım doğrusu...
Hakimsən hisslərimə, ürəyimin oğrusu.
Sənsiz keçən gecələr həsrətini isidir,
Adını pıçıldayan ürəyimin səsidir.
Məni həyatda tutan bu sevginin kəsidir.
Kimlər edəcək bir gün bu sevginin sorğusun?
Hakimsən hisslərimə, ürəyimin oğrusu.
Uzaqda olsan belə ürəyimə yaxınsan,
Sənsiz sanki ölürəm,mən tərəfə baxırsan?
Gör neçə illərdir ki, yandırırsan,yaxırsan,
Səni itirməkmi?! Üzür məni qorxusu,
Hakimsən hisslərimə, ürəyimin oğrusu.
Sən necə dayanırsan, dinmədən-danışmadan?
Küləklər kənar keçər, eşq ilə alışmadan.
Uzaqdan seyr edirsən, qaynayıb -qarışmadan,
Belə də sevmək olar? Ürəyimin duyğusu,
Hakimsən hisslərimə, ürəyimin oğrusu.
Bir gün diqqət kəsilsən,döyünən ürəyimə
Yazdığım hər misranın çatarsan özəyinə.
Bir qısa mesaj göndər,bu sevgi mələyinə.
Sol yanımda bir yer var, bil ki sənsən,doğrusu,
Hakimsən hisslərimə,ürəyimin oğrusu.
Son xəbərlər
Ən çox oxunanlar
- Bu gün
- Bu həftə
- Bu ay
