Xəbərlər
26.10.2026, 13:25
BASQALIN GÜNƏŞİ, AYI GÖZƏLDİ... - FOTOLAR
Basqalın günəşi, ayı gözəldi,
Dağların başında qarı gözəldi.
Hər daşı tarixdən xəbər söyləyir,
Hər evin bir ömrü, adı gözəldi.
Küçəsi qədimdir, yolu qədimdir,
Hər daşın altında bir ömür yatır.
Küləyi dağlardan layla gətirir,
Hər bulaq könlümə bir nəğmə qatır.
Basqalın səhəri nurdan yoğrulub,
Axşamı ulduzla bəzənib elə.
Burda hər ürəyin bir yeri vardır,
Burda daş danışar, dinləsən belə.
Ay doğar dağların çiyninə qonub,
Gecənin qoynunda bir çıraq yanar.
Basqalın adına könül bağlayan,
Hər dəfə ayrı bir gözəllik tapar.
İpək toxuyurlar barmaq ucuyla,
Naxışlar keçmişdən bu günə gəlir.
Nənənin ilməsi, babanın sözü
Bir xalqın yaddaşı kimi ucalır.
Basqalın adamı elə bil dağdır,
Sözü də, əməli də çox vüqarlıdır.
Qonağa açılar qapısı, könlü,
Burda məhəbbətin öz yurdu vardır.
Mən səni sevirəm, ey doğma Basqal,
Adın ürəyimdə bir nəğmə kimi.
Sən mənim dünənim, həm də sabahım,
Azərbaycanımın incisi kimi.
Basqalın günəşi, ayı gözəldi,
Torpağı müqəddəs, suyu gözəldi.
Dünyada nə qədər gözəl yerlər var,
Mənim öz Basqalım, ayrı gözəldi!
Son xəbərlər
Ən çox oxunanlar
- Bu gün
- Bu həftə
- Bu ay
