Xəbərlər
20.01.2026, 18:45
Azərbaycanda qarlı hava nə vaxta kimi davam edəcək? - RƏSMİ MƏLUMAT
Turaztv.az xəbər verir ki, bu barədə "Trend"in sorğusuna cavab olaraq Hidrometeoroloji Proqnozlar Bürosunun direktoru Gülşad Məmmədova bildirib.
Onun sözlərinə görə, Bakıda və Abşeron yarımadasında, Naxçıvan MR, Qazax-Gəncə, Balakən-Şəki, Quba-Qusar, Dağlıq-Şirvan, Mərkəzi Aran, Lənkəran-Astara zonasında sulu qar, qar yağır. Əksər yerlərdə yağıntılar intensiv və güclüdür.
O qeyd edib ki, ölkə ərazisində müşahidə olunan yağıntılı hava şəraiti yanvarın 21-də gündüzədək davam edəcək:
"Yanvarın 22-dən havanın mülayimləşəcəyi, əksər rayonlarda hava şəraitinin əsasən yağmursuz keçəcəyi, temperaturun tədricən yüksələcəyi, mülayim cənub-qərb küləyinin üstünlük təşkil edəcəyi gözlənilir.
Havanın temperaturu isə Bakıda və Abşeron yarımadasında 2 dərəcəyədək isti, Aran rayonlarında 0 dərəcəyə yaxın, Naxçıvan MR-də 3, dağlıq rayonlarda 7 dərəcəyədək şaxtadır".
Son xəbərlər
Ən çox oxunanlar
- Bu gün
- Bu həftə
- Bu ay
