Qəhvə vətəni Həbəşistanda yetişən kofe ağacının meyvəsinin qovrularaq toz halına salınaraq dəmlənməsindən əldə edilən içkidir. Bu içkidən ilk dəfə ərəblər istifadə etməyə başlayıb. Qəhvə su və südlə dəmlərir və bütün dünyada içilir. Qəhvə müasir günümüzdə ən çox qəbul edilən içkilər siyahısındadır.

"Turaztv.az" “Qafqazinfo” -ya istinadən xəbər verir ki, qəhvənin tərkibində kofein olduğuna görə bəzi xəstəliklərə qarşı qoruyucu funksiyanı yerinə yetirməklə bərabər, bəzi patologiyalara səbəb ola bilir. Bu da çox miqdarda qəhvə qəbul edənlərdə özünü fiziki və psixoloji təsirlərlə göstərir.

Qəhvə insana diqqətini toplamqda yardım edir, baş ağrısını zəiflədir. Bəzi hallarda isə aşağıdakı patologiyalara səbəb olur.

Gün ərzində 2 fincan qəhvə içmək ürəyi bəzi xəstəliklərdən qoruyur, amma çox qəbul edildikdə ürək döyüntülərinin artmasına səbəb olur.

Bəzi araşdırmalar 4 fincan şəkərsiz qəhvə içməyin 2 tip insulinə bağlı olmayan şəkər xəstəliyinə yaxalanma riskinin azaltdığını göstərir. Bunu əmələ gətirən səbəb qəhvənin tərkibində olan minerallardır.

Qəhvə orqanizmdən artıq suyun çıxarılmasına səbəb olur. Bu səbəbdən də kofenin çəkini azaltması barədə düşüncələr var. Bu fikirlər qəhvənin sidikqovucu təsirə malik olmasından qaynaqlanır.

Baş ağrıları aşağı təzyiqin olması səbəbindən əmələ gəldikdə qəhvə ağrını aradan qaldırır. Ancaq baş ağrıları miqren səbəbli olduqda qəhvə ağrıların artmasına səbəb olur.

Qəhvə mədənin turşuluğunu artırır, qastrit, reflyuks kimi xəstəliklərin əlamətlərin artmasına səbəb olur. Ən çox da südsüz və tünd qəhvə mədə narahatlıqlarını artırır.

Gün ərzində 5 fincandan artıq qəhvə içmək qan təzyiqinin yüksəlməsinə səbəb olan amillərdən biri sayılır. Bu xüsusiyyətinə görə təzyiqi olan xəstələrə qəhvə içmək məsləhət görülmür. Bu, onlarda beyin qanamasına və iflicə səbəb ola bilər.