Xəbərlər
28.09.2025, 10:22
BRİLYANT QURBANOVA : Atəş deyir yazdığı müxəmməsin sonunda - FOTO
Haqdan gəlir.
Şəhidlərin şərəfinə.
Mən "həvəskar şairəm", hər sözüm Haqdan gəlir,
Bir gözüm yer olsa da, bir gözüm Haqdan gəlir,
Yıxılıram, qalxıram, var dözüm, Haqdan gəlir...
Hər gedənin yerinə hər yüzüm Haqdan gəlir,
Qəlbləri şad eyləyən var düzüm, Haqdan gəlir.
Fikirlərim dolaşır dağ başında çən kimi,
Cücərmişəm səhrada tənha düşən dən kimi,
Bir ömür yaşamışam nə o kimi, sən kimi...
Hələm-hələm yetirər tarix insan mən kimi,
Səbrim yatmış dəryadı, gur əzm Haqdan gəlir.
Qurban olum yurdumun torpağına, daşına,
Tutsa əlim, ayağım, dolanaram başına,
Fərq etməyir şairə, baxmayır heç yaşına,
Şe(i) riyyət duelində çıxıb söz savaşına
Misraları yazıram,təb, nəzm Haqdan gəlir.
Dolanıram dağları, həsrətli bulud kimi,
İnləyirəm sahibdiz kaman kimi, ud kimi,
Hey gəzirəm torpağı bir ulu Qorqud kimi,
Tarixlərdə həkk olan müqəddəs soyad kimi,
Qoruyuram kökümtək Xarəzm, Haqdan gəlir.
Gördüm Həsən, Hüseyni şəhidlərin donunda,
Zeynəb, Zəhra yaş tutur oğul, qardaş yanında,
Atəş deyir yazdığı müxəmməsin sonunda
Torpağa fəda olan mərd oğullar önündə
Qatla yerə dizini, et tə(ə) zim, Haqdan gəlir.
Bir gözüm yer olsa da, bir gözüm Haqdan gəlir,
Yıxılıram, qalxıram, var dözüm, Haqdan gəlir...
Hər gedənin yerinə hər yüzüm Haqdan gəlir,
Qəlbləri şad eyləyən var düzüm, Haqdan gəlir.
Fikirlərim dolaşır dağ başında çən kimi,
Cücərmişəm səhrada tənha düşən dən kimi,
Bir ömür yaşamışam nə o kimi, sən kimi...
Hələm-hələm yetirər tarix insan mən kimi,
Səbrim yatmış dəryadı, gur əzm Haqdan gəlir.
Qurban olum yurdumun torpağına, daşına,
Tutsa əlim, ayağım, dolanaram başına,
Fərq etməyir şairə, baxmayır heç yaşına,
Şe(i) riyyət duelində çıxıb söz savaşına
Misraları yazıram,təb, nəzm Haqdan gəlir.
Dolanıram dağları, həsrətli bulud kimi,
İnləyirəm sahibdiz kaman kimi, ud kimi,
Hey gəzirəm torpağı bir ulu Qorqud kimi,
Tarixlərdə həkk olan müqəddəs soyad kimi,
Qoruyuram kökümtək Xarəzm, Haqdan gəlir.
Gördüm Həsən, Hüseyni şəhidlərin donunda,
Zeynəb, Zəhra yaş tutur oğul, qardaş yanında,
Atəş deyir yazdığı müxəmməsin sonunda
Torpağa fəda olan mərd oğullar önündə
Qatla yerə dizini, et tə(ə) zim, Haqdan gəlir.
27.09.2025.
Son xəbərlər
Ən çox oxunanlar
- Bu gün
- Bu həftə
- Bu ay
