1972-ci il sentyabrın 6-da Gəncə şəhərində zəhmətkeş bir ailədə anadan olan Mirhəsən Mirhəsən oğlu Seyidov Çəncə şəhər 1 nömrəli orta məktəbi, Azərbaycan Kənd Təsərrüfatı Akademiyasını, Daxili İşlər Nazirliyinin Daxili Qoşunların Baş İdarəsinin Xəzər rayonunda, Müdafiə Nazirliyinin isə Qaraheybətdə yerləşən zabitlərin təhkimləşdirmə kursunu bitirib. O, Daxili Qoşunlarda xidmət etdiyi illər ərzində Daxili Qoşunların Baş İdarəsində və hərbi hissələrində keçirilən bir çox metodiki-təlim toplanışlarda, xüsusi -taktiki təlimlərdə, müvafiq kurslarda, seminar və konfranslarda fəal iştirak edib .
1994-2006 - cı illərdə Daxili İşlər Nazirliyinin Daxili Qoşunların Bas İdarəsinin Füzuli, Zaqatala, Hacıqabul rayonlarında, Gəncə şəhərində yerləşən hərbi hissələrində taqım komandiri, böluk komandirinin tərbiyəvi işləri üzrə müavini, böluk komandiri, tabor komandirinin tərbiyəvi işləri üzrə müavini vəzifəsində xidmət edib. 2006 - cı ildə Mirhəsən “Hərbi xidmətkeçmə haqqında” Əsasnamənin müvafiq bəndinə əsasən "xəstəliyə görə" Daxili İşlər Nazirliyinin Daxili Qoşunlarının Silahlı Qüvvələrindən ehtiyata buraxlıb.
Mirhəsən Seyidov 2007- 2016 - cı illərdə Azərbaycan Ordusunun Gəncə şəhərində yerləşən hərbi hospitalında Baş təsərrüfat bölməsının rəisi, 2017-ci ildən isə Müdafiə Nazirliyinin Gəncə şəhərində yerləşən Mənzil Kommunal Təsərrüfatı İdarəsində 2 saylı sahənin rəisi vəzifəsində çalışır.
Məsləkdaşları Mirhəsən Seyidovu vətənpərvər, qorxmaz, səxavətli, insanpərvər, əliaçıq və zəhmətkeş zabit kimi dəyərləndirirlər. O, istər təhsil aldıgı orta və ali təhsil müəssisələrində, istər xidmət etdiyi və çalışdığı mühitdə, istərsə də dost - tanış, qohum - əqraba arasında özünə böyük hörmət qazanıb.
Öz tabeliyində olanlara Azərbaycan Respublikasının Konstitusiyasına və qanunlarına əməl edilməsi, Hərbi Andın, hərbi və daxili qoşunların döyüş xidməti nizamnamələrin tələblərinin, əmr və sərancamların yerinə yetirilməsi işində daimi nümünə olmuşdur.
Hərbi xidməti vəzifələrinin icrası zamanı yüksək mənəvi- döyüş keyfiyyətləri göstərdiyinə, döyüş və ictimai sıyası hazırlığında, hərbi intizamın möhkəmləndirilməsində yüksək göstəricilərə nail olduğuna və nümunəvi xidmətinə görə Daxili işlər nazirinin, Daxili Qoşunlar Komandanının və onun müavinlərinin, hərbi hissə komandirinin müvafiq əmrləri ilə əlacı və yubiley döş nişanları ilə təltif olunub, bir cox fərmanlarlarla,qiymətli hədiyyələrlə mükafatlandırlıb və ona təşəkkür elan edilib.
Azərbaycan Respublikasının müstəqilliyinin ,ərazi bütövlüyünün qorunub saxlanmasında, respublikada əmin - amanlığın təmin edilməsində, ictimai əsayişin qorunmasında, cinayətkarlığa qarşı mübarizədə öz xidməti vəzifələrini və hərbi hissənin qarşısında qoyulmuş tapşırıqları yerinə yetirərkən fəriqləndiyinə görə aşağıdakı medallarla təltif olunub:
1."Azərbaycan Respubilkasının Silahlı Qüvvələrinin 10 illiyi ( 1991 -2001)” yubiley medalı ilə;
2."Qüsursuz xidmətə görə”3-cü dərəcəli medal - Silahlı Qüvvələrdə 10 təqvim ili xidmətə görə.
Alahı tanıyan, dini və milli dəyərlərimizə böyük hörmətlə yanaşan, nəfsi istəklərdən uzaq olan, xeyirxah və gözəl insan kimi xarakterizə olunan Mirhəsən Seyidov dövlətə, dövlətçiliyə sadiq vətəndaşdır. Ümummilli lider Heydər Əliyevin möhtərəm Prezidentimiz İlham Əliyev tərəfindən davam etdirilən siyasi kursu daim dəstəkləyir.
Şərəfli zabit ömrü yaşayan Mirhəsən Seyidov heç vaxt çətinliklərdən qorxmamışdır. Əlbəttə, insanın mühiti, irsiyyət faktoru, aldığı tərbiyə kredosu nə qədər önəmli olsa da, özünün şəxsi istəyi, əməyi olmadan heç bir kəs uca zirvələrə nail ola bilməz. Şərəflə və vicdanla xidmət etdiyi illərdə qazandığı nailiyyətlər onu xidməti vəzifələrin icrasına daha məsul yanaşmağa və daha yaxşı işləməyə sövq etmişdir.

Pünhan Şükür