Əməkdar artist Rəşad İlyasovun qızı Leyla universitetdən məzun olub.

“Qafqazinfo” Axşam.az-a istinadən xəbər verir ki, bu barədə sənətçinin həyat yoldaşı Gülnarə İlyasova sosial şəbəkədə paylaşım edib.

O, övladının Fəxri fərmanla təltif olunduğunu bildirib: “Vaxt necə də tez keçir... Elə bil dünən qızım bapbalaca idi. Bir göz qırpımında böyüdü və artıq universitetdən məzun oldu! Fakültəsindən yeganə seçilmiş tələbə olaraq yüksək akademik göstəricilərə görə Fəxri fərmanla təltif olundu, üstəlik bunu qızıma Çinin səfir xanımı Lu Mei tərəfindən təqdim olunması məni hədsiz qürurlandırdı. Uğurların daha çox olsun, mənim balam. Allah səni qorusun!”