Xəbərlər
4.07.2025, 22:20
BRİLYANT ATƏŞ : Nənəmin Kəlağayısı, babamın qara papağı - FOTO
Nənəmin Kəlağayısı,babamın qara papağı.
Gözlərimdə uca dağdı,əyilməzlik simvoludur,
Mötəbərdi görünüşü,sirlidi,Haqqın yoludur,
Abır-həya təcəssümü,mərdliyin vuran qoludur,
Özü qərinələr keçmiş,həm müqəddəs,həm uludur,
Nənəmin kəlağayısı,babamın qara papağı.
Xəyalım getdi çox uzaq, qəm-kədərdən olaq qıraq,
Oturmuş döşək üstündə nənəm, evdə qara çıraq,
Bir yanında daş kirkirə,bir yanında cəhrə-daraq,
Soy adımdan yadigardır,keçmişimdən mənə bayraq-
Nənəmin kəlağayısı,Babamın qara papağı.
Boz ayğırın kişnəməsi səda salır dağa-daşa,
Başda burma qara papaq babam çıxır yalçın qaşa,
Qara qartal görkəmində boz atıyla durub qoşa,
Çana gəlir örtüləndə,qoyulanda dürüst başa,
Nənəmin kələğayısı,babamın qara papağı.
Atəş dönüb keçmişinə,bu gününə nəzər salır,
Xatirələr düşür yada canını üşütmə alır,
Gah sandıqda dustaq olur, gah da muzeylərdə qalır,
O bəxtəvər günlərini yada salıb fikrə dalır-
Nənəmin kəlağayısı,babamın qara papağı.
Mötəbərdi görünüşü,sirlidi,Haqqın yoludur,
Abır-həya təcəssümü,mərdliyin vuran qoludur,
Özü qərinələr keçmiş,həm müqəddəs,həm uludur,
Nənəmin kəlağayısı,babamın qara papağı.
Xəyalım getdi çox uzaq, qəm-kədərdən olaq qıraq,
Oturmuş döşək üstündə nənəm, evdə qara çıraq,
Bir yanında daş kirkirə,bir yanında cəhrə-daraq,
Soy adımdan yadigardır,keçmişimdən mənə bayraq-
Nənəmin kəlağayısı,Babamın qara papağı.
Boz ayğırın kişnəməsi səda salır dağa-daşa,
Başda burma qara papaq babam çıxır yalçın qaşa,
Qara qartal görkəmində boz atıyla durub qoşa,
Çana gəlir örtüləndə,qoyulanda dürüst başa,
Nənəmin kələğayısı,babamın qara papağı.
Atəş dönüb keçmişinə,bu gününə nəzər salır,
Xatirələr düşür yada canını üşütmə alır,
Gah sandıqda dustaq olur, gah da muzeylərdə qalır,
O bəxtəvər günlərini yada salıb fikrə dalır-
Nənəmin kəlağayısı,babamın qara papağı.
Son xəbərlər
Ən çox oxunanlar
- Bu gün
- Bu həftə
- Bu ay
