Azərbaycan mətbuatında böyük xidmətləri, izi, üslubu olan tanınmış qələm dostumuz, yorulmaz jurnalist və dərin düşüncə adamı, publisist, şair, gözəl ziyalı DAŞDƏMİR ƏJDƏROĞLUnun 60 yaşı tamam olur. Daşdəmir həmişə qələmin müqəddəs vəzifəsi olan Həqiqətə sadiq olan, ədalət və obyektivlik mövqeyində dayanan, haqsızlıqla vuruşan, dövlətini, xalqını böyük məhəbbətlə sevən söz və düşüncə insanı kimi həmişə doğma el-obaya bağlı olub, onun zəngin tarixinin və görkəmli simalarının tanıdılmasında əvəzsiz rol oynamışdır.

Daşdəmir Əjdəroğlu da respublikada dəyərinin və sanbalının çəkisi çox ağır gələn nümunəvi jurnalistlərdən, bacarıqlı, əsl işgüzar insanlardandır. Onun günümüzə qədərki cəmiyyət həyatı, ictimai sfera və əmək fəaliyyətinə nəzər salsaq, zəngin və rəngarəng panoramanın şahidi olarıq. Vətən, xalq və dövlət qarşısandakı xidmətlərinin silsilə şəklində artan dinamik inkişaf mərhələsi, bu insanın layiqli vətəndaş statusu qazanmasına bir daha müsbət stimul verən amillər sırasındandır. Bütün bu akademik göstəricilər, işgüzar, potensial, kreativ, ictimai düşüncəyə malik bir insanın, ölkənin bir nömrəli rəsmi qəzetində tutduğu prinspial mövqeyi, düz, səlis, aydın, ürəkaçan fəaliyyəti ilə müşahidə ediləndir.
Daşdəmir jurnalistikanın bütün sahələrində qələmini uğurla sınaqdan keçirmək gücünə malik olduğunu da, tam təsdiq edib. O, gözəl publisist, şair, mükəmməl portret oçerklər müəllifidir . Bir neçə biri birindən maraqlı kitabların müəllifi kimi də tanınır . Bütün bunlarla yanaşı Daşdəmir həm də mükəmməl qəzetçudir. Fəaliyyətini tam olaraq qəzetciliyə həsr etmiş bir insandır.
Bildiyiniz kimi, media qəzetcilikən başlayır. Bu yaxınlarda 150 illik yubileyinə hazırlaşdigımiz Azərbaycan mediasının təməlini də"Əkinçi" qəzeti ilə, məhz Həzən bəy Zərdabi qoyub .
Bugün dünyanın hər yerində olduğu kimi, ölkəmizdə də elektron mediaya üstünlük təşkil edir. Amma elektron media heç zaman qəzetçiliyi üstələyə bilməz, çünki onun sükanı Daşdəmir kimi qəzetçi jurnalistlərin əlindədir .
Böyük qələm və qəlb sahibini gözəl yubileyi münasibətilə ürəkdən təbrik edirik, sağlamlıq və xoşbəxtlik, azadlıq və firavanlıq dolu böyük yaradıcı tale arzulayırıq!

Hörmətlə: AJB-nin üzvü,şair-publisist
CƏMİL(Zəbhullaoğlu)DADAŞOV