Azərbaycan Respublikasının Dövlət Himninin səsləndirilməsi ilə başlayan tədbirdə Xocalı faciəsinin, o cümlədən, torpaqlarımızın azadlığı uğrunda canlarını qurban vermiş şəhidlərimizin əziz xatirəsi bir dəqiqəlik sükutla yad edildi.Tədbiri giriş sözü ilə açan N.Cabarova XX əsrin sonunda baş vermiş Xoçalı soyqrımından geniş məlumat verərək şagirdlərin nəzərinə çatdırdı ki, Xocalı faciəsi təkcə Azərbaycan xalqına deyil, bütün insanlığa, bəşəriyyətə qarşı yönəlmiş ən ağır ən dəhşətli cinayət hadisəsidir. Bu faciə zamanı Azərbaycanın əzəli və əbədi torpaği olan Xocalı şəhəri yerlə-yeksan edilib, uşaq, qadın, qoca bilmədən insanlar vəhşicəsinə qətlə yetirilib, itkin düşüb, əsir götürülmüşdür. Tarixi-memarlıq abidələri dağıdılıb, milli-mənəvi dəyərlərimiz vandalcasına məhv edilib.

Məruzəçi xüsusi olaraq vurğuladı ki, Xocalı soyqırımına hüquqi-siyasi qiymət ilk dəfə dahi liderimiz Heydər Əliyev tərəfindən verilmişdir.Ulu Öndərin sözü ilə desək “Xocalı soyqırımı bütünlükdə Azərbaycan xalqına qarşı yönəldilmiş,ağlasığmaz qəddarlığı və qeyri-insani cəza üsulları ilə bəşər tarixində tayı-bərabəri olmayan bir vəhşilik aktıdır ”. Məhz Heydər Əliyevin təşəbbüsü ilə 1994-cü ilin fevral ayının 24-də Azərbaycan Respublikasının Milli Məclisi “Xocalı Soyqırımı Günü” haqqında” qərar qəbul edib və BMT-yə, dünya dövlətlərinə bu qətliamın mahiyyətini açıqlayaraq beynəlxalq ictimaiyyəti erməni terrorizminə qarşı təsirli tədbirlər görməyə çağırıb.

Öz növbəsində muzeyin bələdçisi N.Həsənova şagirdlərin nəzərinə çatdırdı ki, sağalmayan yaramız olan Xocalı soyqırımınin qanı yerdə qalmadı.Ali Baş Komandanımız ilham Əliyevin əmri, "Dəmir yumruq” əməliyyatı və Qəhrəman Ordumuzun şücaəti ilə düşmən darmadağın edildi və doğma Qarabağımız əsarətdən xilas olundu.2020-ci il sentyabrın 27-də başlanan 44 günlük , qurbanlarının intiqamı uğrunda başladığımız müqəddəs Vətən müharibəsi, müzəffər ordumuzun tarixi qələbəsi ilə öz həllini tapdı və bu gün, tarixə qızıl hərflərlə yazıldı.

Şamaxı rayon S.M.Qənizadə adına 1 saylı tam orta məktəbin şagirdləri tərəfindən Xocalı faciəsinə və qələbəyə həsr edilmiş şeirlər səsləndirildi və tərəfimizdən təşkil olunan ,”Xocalı faciəsi”ni özündə əks etdirən sərgiyə baxış keçirildi.
Məqsəd:
Gənc nəsli vətənpərvər ruhda tərbiyə etmək, gələcəyimiz olan şagirdlərə vətəni, torpağı sevdirmək ,tariximizi mənimsətmək, qan yaddaşımıza yazılan bu faciəni və vətən uğrunda şəhid olan oğul-qızlarımızı hər zaman xatırlamaq və heç zaman unutdurmamaqdır.
Şərait yaratdığı üçün məktəbin rəhbərliyinə təşəkkür edirik.

Naylə Cabbarova