Xəbərlər
10.02.2025, 19:36
Cəlil Məmmədqulizadə - 156
10 fevral 2025-ci il tarixində Şamaxı rayon M.K.Veyisov adına tam orta məktəbdə Azərbaycan ədəbiyyatının görkəmli nümayəndəsi, yazıçı, dramaturq, publisist və ictimai xadim C.Məmmədquluzadənin anadan olmasının 156 ildönümü ilə əlaqədar“Böyük azərbaycançı ədib “ mövzusunda mühazirə-dərs keçirildi.
DŞRMİ-nin tabeliyində olan M.Ə.Sabirin Şamaxıdakı Ev-Muzeyinin tədbirlər planına əsasən ,muzeyin əməkdaşı N.Cabarova M.K.Veyisov adına tam orta məktəbin 8-ci sinif şagirdlərinə , "Böyük azərbaycançı ədib"Cəlil Məmmədquluzadənin həyat və yaradıcılığı haqqında geniş məlumat verdi. Bildirdi ki, Cəlil Məmmədquluzadə Azərbaycan yazıçısı,dramaturq jurnalist, ictimai xadim, yenitipli ictimai satiranın yaradıcısı, “Molla Nəsrəddin” ədəbi məktəbinin banisi və ideya rəhbəri olmuşdur. Həmçinin ,Azərbaycanda və Şərqdə ilk feminizm, qadınların və kişilərin hüquq bərabərliyi ideologiyasının əsası, məhz Cəlil Məmmədquluzadə tərəfindən qoyulmuşdur. XX əsrin əvvəllərində Azərbaycanda demokratik təfəkkürün inkişaf etdirilməsində, Cümhuriyyət tipli müstəqil dövlətçilik ideyalarının xalqın gündəmində qalmasında, eləcə də tarixi ərazilərimizin sərhədlərinin insanlara xatırladılmasında Cəlil Məmmədquluzadənin müstəsna xidmətləri olmuşdur.
Sonda şagirdlərin verdiyi sualları cavablandıran muzeyin əməkdaşı N.Həsənova,Cəlil Məmmədquluzadənin redaktorluq etdiyi “Molla Nəsrəddin” jurnalının xalqla, xalqın həyatı ilə, onun arzuları ilə sıx bağlı olduğunu, onun felyetonları, hekayə və şeirləri ayrı-ayrı şəxslərin tale və gələcəyindən deyil, bütöv bir xalqın taleyindən, gələcəyindən bəhs etdiyini şagirdlərin nəzərinə çatdırdı.Vurğuladı ki, yazıçı öz əsərlərində xalqın ictimai-mədəni cəhətdən inkişafına mane olan Çar Rusiyasının müstəmləkə fəaliyyətini, mənəvi, siyasi despotizmi, eləcə də fanatizmi, cəhaləti sərt tənqid edib, insanları oyatmağa, öz hüquqlarını başa salmağa çalışıb.
Yaratdığı şəraitə görə məktəbin rəhbərliyinə təşəkkür edirik.
Şamaxı rayon Mirzə Ələkbər Sabirin ev muzeyi
Son xəbərlər
Ən çox oxunanlar
- Bu gün
- Bu həftə
- Bu ay
