Xalq artisti Bilal Əliyev həm dini dəyərlər, həm də məktəblilərin geyimi ilə bağlı fikirlərini bölüşüb.

"Unikal" xəbər verir ki, oxu.az-a danışan müğənni vətəndaşları ayıq-sayıq olmağa, birliyə çağırıb və məktəblərdə vahid formanın tətbiqini dəstəklədiyini bildirib.

"Vətəndaşlarımıza demək istəyirəm ki, ayıq olun. Bizim çox ağıllı Prezidentimiz var, böyük ulu öndər məktəbi keçib. Başqa qüvvələrə inanmaq lazım deyil. Yad ölkənin insanı ancaq özünü düşünür, bizi yox. Xalqımızı bir olmağa çağırıram. Heç kim demir ki, dindən uzaqlaşın, dinimiz əzizdir. Mən 10 dəfə Həcc ziyarətinə getmişəm, amma məktəbə hamı eyni formada getməlidir” – deyə Bilal Əliyev bildirib.