Türkiyə Prezidenti Rəcəb Tayyib Ərdoğanın rəhbəri olduğu hakim Ədalət və İnkişaf Partiyasının (AKP) İcraiyyə Komitəsi növbəti seçkilərdə iştirak etmək üçün 60 faiz yenilənəcək.

"Turaztv.az" “Report”-a istinadən xəbər verir ki, bu barədə “Türkiye” qəzeti məlumat yayıb.

Qəzet qeyd edib ki, Ərdoğan artıq 2028-ci ilə planlaşdırılan prezident və parlament seçkiləri üçün yeni partiya komandasını toplamağa başlayıb. 2024-cü ilin martında keçirilən bələdiyyə seçkilərindən sonra AKP-nin mövqeyi nəzərəçarpacaq dərəcədə zəifləyib. Hazırda AKP-nin rəhbər heyətləri əyalətlərdə 70 %, kəndlərdə 60 % yenilənir.

Əsas dəyişikliklər İcraiyyə Komitəsinə təsir edəcək. Onun tərkibinin 60 %-nin yenilənməsi gözlənilir. Bu məsələ ilə bağlı yekun qərar AKP-nin fevralda keçiriləcək qurultayında açıqlanacaq.

Ərdoğan bir müddətdir, İcraiyyə Komitəsində və ümumiyyətlə partiyanın ali rəhbərliyində yeni simalarla bağlı məsləhətləşmələr aparır. O, həm yeni simalar, həm də keçmiş partiya funksionerləri olan namizədlərin siyahılarını da alır. Aralarında qadınların da olduğu çoxlu sayda gənc siyasətçinin AKP-yə keçəcəyi gözlənilir.