İsrail Ordusunun Hərbi Hava Qüvvələri Qəzza zolağının cənubundakı Xan Yunis şəhərində radikal Fələstinin HƏMAS hərəkatının silahlı qanadının komanda mərkəzinə hücum edib.

"Turaztv.az" “Report”-a istinadən xəbər verir ki, bu barədə ordunun Mətbuat xidməti məlumat yayıb.

Məlumata görə, radikalların qərargahı humanitar zonanın ərazisindəki Xan Yunis bələdiyyəsinin binasında yaradılıb. “Komanda və idarəetmə mərkəzi terrorçular tərəfindən İsrail Müdafiə Ordusu və İsrail Dövlətinin qoşunlarına qarşı hücumların planlaşdırılması, həyata keçirilməsi üçün istifadə edilib”, - hərbçilər bildirib.

Hava hücumu dəqiq olub və kəşfiyyat məlumatlarına əsasən həyata keçirilib. İsrail Ordusu əminliklə bildirib ki, hücumdan əvvəl yerli mülki əhalinin zərər görmə riskini azaltmaq üçün çoxlu tədbirlər görülüb.

Ordunun məlumatına görə, fələstinli radikallar mülki binalardan hərbi məqsədlər üçün məqsədyönlü şəkildə istifadə edirlər.