"Fənərbaxça"nın baş məşqçisi Joze Mourinyo gələcəkdə milli komandanı çalışdırmaq istədiyini bildirib.

"Turaztv.az" "Unikal" -a istinadən xəbər verir ki, bu barədə xarici KİV məlumat yayıb.

"Mən Avropa və ya dünya çempionatında iştirak etmək, bütün ölkəni bir komanda ətrafında yığmaq istəyirəm. Bunu klublarla çox etmişəm. Mən bunu futbol və bu idmanın nəyi təmsil etdiyi üçün etmək istəyirəm. Möhtəşəm olar", - deyə o qeyd edib.

Qeyd edək ki, Joze Mourinyo yayda "Fənərbaxça"ya təyin olunub. O, bu müddət ərzində İstanbul klubunu 26 matça çıxararaq 15 dəfə qələbə qazanıb, 6 dəfə heç-heçə edib və 5 məğlubiyyətlə üzləşib.