Rusiyada fırıldaqçılıqla mübarizə tədbiri kimi xarici ölkələrdən zənglərə qanunvericilik qadağası tətbiq oluna bilər.

"Turaztv.az" "Unikal"-a istinadən xəbər verir ki, bu barədə "Roskomnadzor"un mətbuat xidməti məlumat yayıb.

Eyni tələblər ani messencerlərə münasibətdə də tətbiq oluna bilər.

“Bir sıra rabitə operatorları artıq xaricdən daxil olan zənglərə istifadəçilər tərəfindən müstəqil qadağaların tətbiqi üzərində fəal işləyirlər. Bununla belə, bu tələblərin qanunvericiliklə müəyyən edilməsi də mümkündür. Məhz eyni tələblər ani messencerlər üçün də tətbiq oluna bilər. Onlarda səs trafikinin bloklanması məcburi tədbir kimi istifadə oluna bilər”, - deyə idarədən bildirilib.

Bundan əvvəl "Roskomnadzor" rəhbəri Andrey Lipov bildirmişdi ki, fırıldaqçılıqla mübarizə prosesində Rusiya qanunvericiliyinin tələblərini pozarsa, Roskomnadzor texnoloji olaraq messencerlər vasitəsilə zəngləri bloklamağa başlaya bilər.