“Nəhayət Barnye hökuməti, zorakı büdcəsi kimi, çökdü”.

Turaztv.az AZƏRTAC-a istinadən xəbər verir ki, bu fikirləri Barnye hökumətinin süqutundan sonra “Əyilməz Fransa” (“La France insoumise-LFI”) partiyasının prezidenti Matild Panot deyib. Milli Assambleyadakı “La France insoumise” qrupunun prezidenti solçu partiyalar tərəfindən irəli sürülən etiraz təklifinin qəbulunu alqışlayıb və Prezident Emmanuel Makronu istefa verməyə çağırıb.

Qeyd edək ki, dekabrın 4-də gecə saatlarında Fransa Milli Assambleyası Yeni Xalq Cəbhəsi (NFP) qrupunun təqdim etdiyi senzura təklifini qəbul edib. Mətnin lehinə 331 deputat, yəni onun qəbulu üçün tələb olunan 288 səsin mütləq əksəriyyətindən 43 deputat çox səs verib. Bu səsvermə baş naziri istefaya məcbur edib.

İfrat sağçı Marin Le Pen də Milli Birlik (RN) partiyasının da senzuranı seçəcəyini təsdiqləmişdi. “Belə bir büdcəyə, belə bir hökumətə, belə bir süquta senzura tətbiq etməmək ən pis siyasət olardı”, - deyən ifrat sağçı qrupun lideri Lö Pen Mişel Barnyenin ən kiçik güzəştə belə getməyən tərəfdarlarının barışmazlıq, məzhəbçilik və doqmatizmini tənqid edib. Lö Pen Emmanuel Makronun istefasına ümid edərək deyib ki, böyük alternativin yaxınlaşmasına çox az vaxt qalıb.

Solçular “Bu gün tarix yazırıq” deyiblər. Post-Barnye dövrü artıq formalaşır. Müxtəlif siyasi qruplar keçid respublika paktı adı altında prioritetlər, partiyalararası iş və sabitlik paktı ilə razılaşa bilən yeni komandanın təyin edilməsinə çağırış ediblər.