Pakistan Prezidenti Asif Əli Zərdari oktyabrın 30-da axşam Dubay Beynəlxalq Hava Limanında təyyarədən enərkən yıxılıb.

"Turaztv.az" “Report” -a istinadən xəbər verir ki, bu barədə “Dawn” qəzeti prezident katibliyinin mətbuat xidmətinə istinadən məlumat yayıb.

Dövlət başçısı yıxıldıqdan sonra dərhal xəstəxanaya aparılıb. Tibbi müayinədən sonra onun ayağının sındığı məlum olub və gips sarğısı qoyulub.

Qeyd olunub ki, Zərdariyə tam istirahət təyin olunub. Prezident dörd həftə ərzində gips taxmalı olacaq.