Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) terror fəaliyyətlərində iştirak edən əməkdaşları məsuliyyətə cəlb edilməlidir.

Turaztv.az APA-ya istinadən xəbər verir ki, bu bəyanatla İsrailin baş naziri Binyamin Netanyahu Knessetin UNRWA-nın İsrail ərazisində fəaliyyətini qadağan edən qanunu təsdiqləməsindən sonra bildirib.

"İsrailə qarşı terror fəaliyyətində iştirak edən UNRWA əməkdaşları cavab verməlidirlər", - deyə İsrailin baş naziri “X” hesabında yazıb.

Qeyd edək ki, UNRWA 1949-cu ildə yaradılıb. Onun vəzifələrinə Qəzza zolağı, İordan çayının qərb sahilləri, İordaniya, Livan və Suriyadakı 5,9 milyon qaçqına tibbi, sosial, ərzaq yardımı və təhsil vermək daxildir.