ƏZİZƏ AĞAHÜSEYNQIZI : CƏBRAYIL HƏSRƏTLİ ŞAİR

Xəbərlər

26.06.2026, 22:27

ƏZİZƏ AĞAHÜSEYNQIZI : CƏBRAYIL HƏSRƏTLİ ŞAİR - FOTO

Qara xəbərin ayağı yüyrək olur deyirlər..bu gunlərdə eşitdiyim ağır xəbərlərdən biri oldu İsmayıl müəllimin ölümü..

Azərbaycan Yazıçılar və Azərbaycan Jurnalistlər Birliklərinin üzvü, Yazıçılar Birliyi Mingəçevir bölməsinin sədri İsmayıl Səlim oğlu İmanzadə 1945-ci ildə anadan olub. 1993-cü ildən Mingəçevir şəhərində məskunlaşan İsmayıl İmanzadə uzun illər Mingəçevir Şəhər İcra Hakimiyyətinin orqanı olan “Səda” qəzetində baş redaktorun müavini, “İnam” qəzetinin təsisçisi və baş redakoru vəzifəsində çalışmışdır. 26 il “Mingəçevir” qəzetinin şöbə redaktoru və müxbiri işləyib. 1995-ci ildən Azərbaycan Yazıçılar və Azərbaycan Jurnalistlər Birliklərinin üzvü, 1999-cu il oktyabr ayından isə Yazıçılar Birliyi Mingəçevir bölməsinin sədri, “Bənövşə” (“Mingəçevir leysanı”) ədəbi-bədii dərgisinin təsisçisi və baş redakoru olub.
Onu ara sıra Qurbanı ədəbi məclisində, bir neçə dəfə də AYB Natavan klubunda Mingəçevir ziyalıları, yazarları ilə görüsdə, redaktoru olduğu *Mingəçevir leysanları"nın təqdimatında görmüsdüm. Son iki ildə iki kitabının təqdimatında da iştirak etmişdim.
Bir neçə gün öncə şairə xanım Gülnarə Acalovanin zəngindən öyrəndim ki, İsmayıl müəllim haqq dünyasına qovuşub. Təpədən dirnağa sözlə yoğrulan bu qarayanız şairin ruhunda bir Vətən vardı, bir Cəbrayılı vardı..onu yaxından tanımaq üçün şeirlərini oxumaq kifayət edir..Dəyərli şairi köçkünlük həyatı onun ruhuna, mənəviyyatına çox ağrılar verdi .33 ildən çox zamanıni, illərini doğulduğu Mərcanlısindan ayrı yaşamaq onu mənən əzdi.Şükurlər olsun ki qələbə xəbərini duydu..zəfəri gordü..Amma amansız xəstəlik onu bizdən ayırsa da, mənən bizimlədir..Ruhun şad, məkanın cənnət olsun əziz İsmayıl müəllim..İşıqlı xatirəniz sizi tanıyanlarin qəlbində həmişə yaşayacaq...