Solçu “İtaətsiz Fransa” partiyasının deputatları Emmanuel Makronun respublika prezidenti vəzifəsindən kənarlaşdırılması ilə bağlı Milli Assambleyaya (parlamentin aşağı palatası) təklif göndərəcəklər.

Turaztv.az AZƏRTAC-a istinadən xəbər verir ki, bu barədə partiyanın milli koordinatoru Manuel Bompard X sosial səhifəsində bildirib.

Siyasətçilər Fransa Konstitusiyasının 68-ci maddəsinə əsaslanırlar. Partiya bu qərarı Makron solçu Yeni Xalq Cəbhəsinin namizədini baş nazir təyin etməkdən imtina etdikdən sonra verib.

Bompard, həmçinin bütün solçu tərəfdarlarını prezidentin qərarına etiraz olaraq yürüşə çağırıb.