Pakistanın Kəşmir əyalətində sərnişin avtobusunun dərəyə aşması nəticəsində azı 25 nəfər ölüb.

"Turaztv.az" “Report”-a istinadən xəbər verir ki, bu barədə “Geo” telekanalı məlumat yayıb.

Qeyd olunub ki, hadisə sərnişin avtobusunun Haveli Kahuta qəsəbəsindən Ravalpindi şəhərinə doğru hərəkət edən zaman baş verib.

Belə ki, əyləc sistemində baş verən nasazlıq qəzaya səbəb olub. Hadisə yerinə polis əməkdaşları və xilasedicilər cəlb edilib.

Ölənlərin meyitləri yaxınlıqdakı xəstəxanaya aparılıb.