FÜSUNKAR VƏ CAZİBƏDAR BİLGƏH SANATORİYASI

Xəbərlər

21.08.2024, 23:37

FÜSUNKAR VƏ CAZİBƏDAR BİLGƏH SANATORİYASI - FOTOLAR

FÜSUNKAR VƏ CAZİBƏDAR BİLGƏH SANATORİYASI

Kardioloji müalicə sanatoriyasına gələn bir də gəlmək istəyir...

Bu dəniz təbiətin əsl möcüzəsidir. Onun sahilləri gözəl istirahət mərkəzləri, yaraşıqlı obyektlərlə əhatələnib. Bu gözəllər gözəli Xəzər dənizidir. Bu gözəllik də məhz Odlar yurdu Azərbaycanımızın baş şəhəri, paytaxt Bakımızın qismətinə düşüb. Paytaxtımızın əsl möcüzələrindən biri də gəzməli, görməli, hətta dönə-dönə gedib baxsaq belə, özünün füsunkarlığı ilə qəlbimizi ovsunlayan Bilgəhdir. Doğma Bakımızın qoynunda bir-birindən müasir, əsl rəqabətə malik sanatoriyalar yerləşir. Onlardan biri də Bilgəh kardioloji müalicə-istirahət sanatoriyasıdır.
Azərbaycan Həmkarlar İttifaqları Konfederasiyası “Kurort” Qapalı Səhmdar Cəmiyyətinə məxsus “Bilgəh” kardioloji sanatoriyası paytaxtımızdan cəmi 40 km aralıda yerləşir. Abşeron yarımadasının ən mənzərəli yerlərindən biri kimi şöhrət tapmlş Bilgəh qəsəbəsində xoş, mənalı istirahətdən həzz almağa və ürək-damar sistemi xəstəliklərinin müalicəsinin aparılmasına müsbət təsir göstərir.
Sanatoriyanın yerləşdiyi təbii amilləri, dəniz, quru və mülayim iqlim ürək-damar xəstəliklərinin müalicəsi üçün çox əlverişlidir. “Bilgəh” kardioloji sanatoriyasının müalicəxanasında xəstələr təbii müalicəvi mineral yod-bromlu su ilə müalicə olunur, başqa tibbi müalicələrdən tam istifadə edir.
Biz də bir neçə il əvvəl burada olmuş, tibbi heyətin köməkliyi ilə lazımi müalicə almışıq.

Bu dəfəki gedişimiz müalicə məqsədli deyildi. Dostumuz sanatoriyanın baş həkimi Muxtar Əhmədova baş çəkmək, burada həyata keçirilmiş abadlıq, təmir işlərini öz gözlərimizlə görmək idi. “Turaz tv” saytının rəhbəri, “Ədalət və həqiqət” qəzetinin baş redaktoru Cəmil Zəbhullaoğlu da, mən də son dəfəki gedişimizdən sonrakı yenilikləri gördük, sanatoriyanın bulvar kimi xatirimizdə qalmış həyətini gəzdik, yaz-yay mövsümü ilə bağlı burada görülən abadlıq tədbirlərinə şahidlik etdik. Bu işlərin müəllifi Əməkdar həkim Muxtar Əhmədovdur.
Onunla səmimi söhbətimiz zamanı da bunu sezdik, elə həvəslə, maraqla danışırdı ki, adam onun bu sözlərinə heyran qalırdı. Bilgəh kardioloji müalicə sanatoriyası daim pasiyentlərlə dolu olur. Yayın cırhacırında da adam əlindən tərpənmiək olmurdu. Bu da ondan irəli gəlirdi ki, Bilgəh kardioloji sanatoriyasında tibbi xidmət, tibbi heyətin pasiyentlərə xoş münasibəti normaldır, qidalanma məsələləri müsbət həll edilib. Buraya axın həmişə olduğu kimi, indi də mövcuddur.

Burada bizim bir yaxın dostumuz var, o da qeydiyyatçı Kəmalə Həsənovadır. Onun xoş münasibəti, səmimiyyəti, nümunəvi xidməti burada çalışan hər kəsə əsl nümunədir, müalicə alan hər bir insanın qəlbinə yol açıb. Biz burada vaxtilə dincələndə də, burada olduğumuz bir neçə saat ərzində də onun həlim rəftarının, insanlarla asan dil tapmasının, yaranmış hansısa problemin tez bir vaxtda həll olunmasının şahidi olduq. Onun böyük ürəyi var, vicdanlı işçidir. Həmişə nə vaxt getsən, onu iş başında görərsən. Bir sözlə, Kəmalə xanım Həsənova öz işinin öhdəsindən bacarıqla gəlir.

Eşitmişdik ki, burada bir dostumuz da müalicə alır. Şəhid ailəsi Həcər İsmayılovanı da ziyarət etməyi unutmadıq. O da çox mərd, ürəyi açıq, işgüzar xanımdır. Məhz bu xüsusiyyətlərinə görə onu görmədən buradan getməyi özümüzə əsla bağışlamazdıq. Gözlədik ki, müayinələrdən və günorta naharından gəlsin, onunla görüşüb söhbət edək. Bəli, gəldi və bizim də gəlişimizi sürpriz, gözlənilməz səfər kimi qəbul etdi. Həcər xanımla hal-əhvaldan sonra sanatoriyanın “mini-bulvarı”nda oturub söhbət etdik, onun evdən gətirdiyi və bizi qonaq etdiyi şaftalı mürəbbəsi ilə çay içdik. Xatirə şəkli çəkdirdik. Dənizin qoynunda, Bilgəhin sahilində maraqlı bir günümüz də belə ötüşdü.

Və sonda sanatoriyadan ayrılarkən qərarlaşdırdıq ki, baş həkimlə də xatirə şəkli çəkdirək. Həqiqətən belə görüşlər, şirin və səmimi söhbətlər bizdə xoş ovqat yaradır, buraya yenidən gəlişimizə müəyyən stimullar verir. Bura gələn bir də gəlmək, dincəlmək istəyir...

Daşdəmir ƏJDƏROĞLU