Qəzza zolağında atəşkəsin əldə olunması Yaxın Şərqdə gərginliyin qarşısını almağın yeganə yoludur.

Turaztv.az AZƏRTAC-a istinadən xəbər verir ki, bunu Misirin xarici işlər naziri Bedr Abdulatin amerikalı həmkarı Antoni Blinkenlə telefon danışığı zamanı deyib.

Misirli nazir vurğulayıb ki, Qəzzada dərhal və hərtərəfli atəşkəs razılaşması mümkün qədər tez əldə edilməlidir. “Bunun üçün son dərəcə ciddi yanaşma və danışıqlar aparan tərəflərdən real siyasi iradənin təzahürü tələb olunacaq”, - deyə o vurğulayıb.

Qeyd edək ki, Qəzzada atəşkəsə dair danışıqların yeni mərhələsinin Dohada baş tutacağı gözlənilir.