Dövlət Turizm Agentliyi tərəfindən turizmin inkişafı istiqamətində müxtəlif fəaliyyətlər həyata keçirilir. Həmin fəaliyyətlərdən biri də Azərbaycanın qastronomiya imkanlarının öyrənilməsi və tətbiqi ilə bağlı işlərdir.

Turaztv.az AZƏRTAC -a istinadən xəbər verir ki, bunu jurnalistlərə açıqlamasında Dövlət Turizm Agentliyinin sədr müavini Azadə Hüseynova deyib.

"Bildiyiniz kimi, Qərbi Azərbaycanın çox zəngin mədəniyyət və qastronomiya irsi var. Dövlət Turizm Agentliyi "Qərbi Azərbaycanın Qastronomiya Günü" tədbirinin təşkilatçılarından biridir. Tədbiri keçirməkdə məqsədimiz tarixi, milli-mədəni dəyərlərimizi qoruyaraq, Qərbi Azərbaycanın qastronomiya imkanlarını və milli-mədəni dəyərlərini təbliğ etməkdir", - deyə A.Hüseynova qeyd edib.