Türkiyənin Xarici İşlər Nazirliyi (XİN) İran Prezidenti Seyid İbrahim Rəisinin olduğu helikopterin sərt eniş etməsi ilə bağlı bəyanat yayıb.

Turaztv.az AZƏRTAC-a istinadən xəbər verir ki, bəyanatda Türkiyənin hadisə ilə bağlı aparılan fəaliyyətləri kədərlə izlədiyi qeyd edilib.

“Prezident Seyid İbrahim Rəisi və xarici işlər naziri Hüseyn Əmir Abdullahiyan da daxil olmaqla İran rəsmilərinin təhlükəsiz şəraitdə və salamat olduqlarına ümid edir, qardaş İran xalqına keçmiş olsun diləklərimizi çatdırırıq” -ifadələrinə yer verilən bəyanatda Türkiyə tərəfindən axtarış-xilasetmə işlərinə hər cür dəstəyin göstərilməsi üçün fəaliyyətə başlanıldığı bildirilib.