Xəbərlər
19.04.2024, 00:30
Dağlarım, Şuşam, Vətənim - FOTOLAR
Dağlarım, Şuşam, Vətənim
Qışda başında var ağ kəlağayı,
Yazda butalanır xınalı dağlar.
Çiçəkli örpəyin örtür başına,
Yaşıl yamaclara gələndə bahar.
Çəkib sinəsinə çiçək ətrini,
Otlar üzərində şeh baxıb gülür.
Dağıdıb bir qızın qara telini,
Sonra oğrun- oğrun meh baxıb gülür.
Sanki nəğmələnir çayların səsi,
Qartal məğrur- məğrur süzür havada.
Günəş öz nurunu yayır cahana,
İndi çal- çağır var eldə, obada.
Budur kəklikotu boylanır, baxır,
Görən necə çıxıb daş arasından.
Bir kolun dibində bənövşəyə bax,
Silkələnib çıxıb qış arasından.
Lalələr bəzəyir yamacı , düzü,
Günəşin nurunda alışıb yanır.
Doğma torpağımın yamaclarında
Ümidim sevinir, arzum dolaşır.
Bülbülün , Qasımın , Xanın nəfəsi,
Muğamı, segahı qalıb yadigar.
Budur xarıbülbül ağlamır daha,
İndi torpağımın min cəlalı var.
Gözəl Cıdır düzüm cənnət bağıdır,
Bu qazimdir gəzir azad elimdə.
Bir şirin uşaqda təbəssümə bax,
Gəzdirir bayrağın kiçik əlində.
Qoruyub oğullar şəhid oldular,
Canıyla, qanıyla yurdun torpağın.
Ruhu qarşısında baş əyirik biz,
Onlar ucaltdılar Vətən bayrağın.
Neçə şəhidimin can qoyduğu yurd,
Dəyişib görkəmin, ruhun havasın.
Gəlin dağlarına bir salam verək,
Bağrımıza bacaq Şuşa qalasın.
Haqqınız ödənməz şəhidim , qazim,
Dağda, daşda qalan izinə qurban.
Şuşamdır başında zəfər çələngi,
Yaşasın Vətənim, can Azərbaycan!
Yazda butalanır xınalı dağlar.
Çiçəkli örpəyin örtür başına,
Yaşıl yamaclara gələndə bahar.
Çəkib sinəsinə çiçək ətrini,
Otlar üzərində şeh baxıb gülür.
Dağıdıb bir qızın qara telini,
Sonra oğrun- oğrun meh baxıb gülür.
Sanki nəğmələnir çayların səsi,
Qartal məğrur- məğrur süzür havada.
Günəş öz nurunu yayır cahana,
İndi çal- çağır var eldə, obada.
Budur kəklikotu boylanır, baxır,
Görən necə çıxıb daş arasından.
Bir kolun dibində bənövşəyə bax,
Silkələnib çıxıb qış arasından.
Lalələr bəzəyir yamacı , düzü,
Günəşin nurunda alışıb yanır.
Doğma torpağımın yamaclarında
Ümidim sevinir, arzum dolaşır.
Bülbülün , Qasımın , Xanın nəfəsi,
Muğamı, segahı qalıb yadigar.
Budur xarıbülbül ağlamır daha,
İndi torpağımın min cəlalı var.
Gözəl Cıdır düzüm cənnət bağıdır,
Bu qazimdir gəzir azad elimdə.
Bir şirin uşaqda təbəssümə bax,
Gəzdirir bayrağın kiçik əlində.
Qoruyub oğullar şəhid oldular,
Canıyla, qanıyla yurdun torpağın.
Ruhu qarşısında baş əyirik biz,
Onlar ucaltdılar Vətən bayrağın.
Neçə şəhidimin can qoyduğu yurd,
Dəyişib görkəmin, ruhun havasın.
Gəlin dağlarına bir salam verək,
Bağrımıza bacaq Şuşa qalasın.
Haqqınız ödənməz şəhidim , qazim,
Dağda, daşda qalan izinə qurban.
Şuşamdır başında zəfər çələngi,
Yaşasın Vətənim, can Azərbaycan!
Arzu Yaqub qızı.
Son xəbərlər
Ən çox oxunanlar
- Bu gün
- Bu həftə
- Bu ay
