Yəmənin Hudeydə əyalətinin şimalında Ənsar Allah hərəkatının husi üsyançılarının hədəflərindən biri vurulub.

Turaztv.az AZƏRTAC-a istinadən xəbər verir ki, bu barədə yerli mənbələrə istinadən Sky News Arabia telekanalı məlumat yayıb.

Məlumata görə, hücuma məruz qalan obyekt Əl-Luheya rayonunun dağlıq ərazisində yerləşir. Mümkün tələfat və dağıntılar barədə məlumat verilmir.

Husilərə məxsus Al Masirah telekanalı hücumun Amerika və Britaniya döyüş təyyarələri tərəfindən həyata keçirildiyini iddia edir.